Kush do ti vjedhe zgjedhjet kesaj rradhe?

16 Prill, 2013
Zgjidh!
Jam i pari, i dyti, i treti, i katerti, i pesti,.. i fundit

Zgjedhje, dita e orgazmes* se procesit demokratik ne te cilen qytetaret (por edhe fshataret) te veshur me rrobat e tyre me te mira shkojne ne qendrat e votimit, ku pasi ekzaminojne me kujdes programet e partive te ndryshme politike dhe ideologjite respektive, votojne sipas instiktit te zemres dhe procesit logjik te mendjes per te permiresuar qeverine e ardhshme. Diten e zgjedhjeve, por edhe ditet perpara saj, njerezit diskutojne me miqte dhe te njohurit alternativat qe u paraqiten per te zgjedhur ne nje menyre te pergjegjshme, te qete dhe civile. Megjithese mund te kene diferenca te theksuara opinioni mbi keto alternativa, diskutimet rralle here mbyllen me ndeshje boksi, beteja me arme te ftohta dhe te nxehta, ose forma te tjera komunikimi te cilat shkaktojne gjakderdhje. Ne fund te dites se zgjedhjeve, njera nga alternativat politike shpallet fituese pasi fiton shumicen e votave. Ne ate moment te gjithe zgjedhesit, te lodhur por optimist, hapin nganje shishe shampanje, ngrene nga nje dolli per fituesin, dhe i urojne pune te qete, fat e mbaresi ne qeverisjen e vendit per 4 vitet e ardhshme.

kush?

kush?

*shumica e shqiptareve nuk e njohin fjalen orgazem, por ekuivalenten e saj, prishjen.

Imagjino veten tende ne kete situate. U ngrite nga gjumi. 23 Qershor 2013. Je tek qendra e votimit. Ne mendje te rri vetem nje mendim: “Kush do ti vjedhe zgjedhjet kesaj rradhe?”

Ketu me poshte po ju japim nje guide te plote te kanditateve kryesore:

1.

Sali Berisha
Sali Berisha

Sali Berisha:

Nje personazh i njohur i skenes politike, shumicen e rinise e kaloi ne shoqerine e te vetmit shok qe kishte, kalit. Sidoqofte Saliu nuk eshte nje hajdut i thjeshte kuajsh. Pasi u caktua si nje nga kapitenet qe do te mbanin timonin e anijes se tranzicionit nga diktatura e proletariatit ne diktaturen e te paaftit, e kreu kete mision me dhunshem se te gjithe kapitenet e tjere, duke mos e leshuar timonin e vaporit se shtetit nga duart edhe ne stuhine me te forte. Njesoj si dikur me freret e kalit, me dhemb e duar ai e mbante timonin fort edhe kur vapori ishte duke u perplasur neper shkembinj, kur te gjithe deri tek miu i fundit i vaporit e kishin braktisur ate dhe timoni ishte e vetmja pjese qe i kishte mbetur akoma ne dore. Do ta mbaje timonin e pushtetit edhe pas vdekjes po ta kete ne dore.

Megjithese i lindur ne mal, pasion ka notin ne det. Megjithese nga profesioni eshte doktor zemre, pasion ka shkuljen e dhembeve. Pasione te tilla i bejne shume njerez me zemer. Pasione te tjera nuk ka. Tip impulsiv dhe i lig, kur urdheroi shefin e rojeve te tij te qellonte mbi ca protestues, ky i fundit refuzoi. Saliu ia keputi komandant Prendit me grusht sepse ne ate moment u tregua me politikan sesa vet ai. Athere Prendi u kujtua per punen e tij dhe e shkrepi koburen ne mish opozitar. Po te ishte Prendi kryeminister, ata njerez te varfer do te ishin akoma gjalle dhe sot mund te guxonin te votonin kunder Saliut.

Eshte i vetmi politikan qe nuk ka ikur asnjehere nga pushteti me ane te votes. Ti mund te mos e dish, po edhe heren e kaluar, ne menyre te pavetedijshme ose nga emocioni, ke votuar per te. Eshte politikan qe ngjall emocione te forta, midis te cilave frike e tmerr.

Pervec raportit te forte qe ka me emocionin e frikes, eshte tip folklorik. I martuar me dy femije si ai.

 

2.

Edi Rama
Edi Rama

Edi Rama:

Edi si kryetar bashkie e zbukuroi Tiranen si per dasem, derisa e humbi ate ndaj Saliut dhe dashit te tij, kur pasi u numeruan edhe votat e hedhura ne plehra, Edi doli ne vend te dyte me nja dy vota me pak se dashi. Pastaj dashi u be kurban, mishi i tij u poq ne hell dhe te perbrendshmet u bene kukurec. Kete episod Edi e ktheu ne nje liber te quajtur “Kurban.” Nje njeri romantik si rilindasit para 200 vjetesh, Edi beson ne rilindje dhe ne shanse te dyta si per veten ashtu edhe per shokun e tij te vjeter Ilirin. Me nje hajdut te ketij kalibri ne krah nuk mendon se do tia vjedhin per here te dyte. Po te marrim parasysh edhe episodin e dashit kesaj rradhe per Edin eshte “e treta si e verteta.”

Edi eshte nje politikan me prezence dhe trup gjate qe flet me fjali komplekse dhe te gjata te cilat nuk i kuptojne dot njerez kokcepe e veshgjate si ty. I martuar dy here deri tani.

 

3.

Ilir Meta
Ilir Meta

Ilir Meta: Kur turrmat e palara u ngriten ne proteste te frymezuara nga nje video-klip me protagonist Ilirin para dy vitesh e ca, ai me te drejte i quajti koke-palare. Hajdutet e tjere thane njehere ta cojne ne burg, mirepo nje hajdut kaq i madh nuk eshte burgosur asnjehere dhe nuk eshte Pokies koha per te burgosur hajdute te medhenj. Gjyqi ndaj tij sfidoi shkencen dhe logjiken per ta nxjere te pafajshem, e megjithate toka vazhdoi te rrotullohet. Mbeshtetesit e tij e mbeshteten me sloganin “Ilir Meta, e verteta.” Iliri e ka shume qejf fjalen “e verteta.” Slogani i tij i fundit paraelektoral ishte “Ndryshimi i vertete.”

E verteta eshte qe Iliri doli i pafajshem, por jo i palare nga gjithe kjo histori. Tani historianet, arkeologet dhe lexuesit e fatit debatojne nese Iliri do te veje ndonjehere ne burg. Prandaj e ka ndryshuar prap parrullen ne: “Te ecim me shpejt.”

Njerezit pragmatike duhet te kuptojne qe Iliri ka bere shume lek keto kater vite ne pushtet, ndaj mos ja jep voten qyl. Me te degjuar e kemi qe paguan mire.

Politikan bucko qe ngjall emocione te forta, midis te cilave neveri. I martuar me nje grua si ai.

4.

Bamir Topi
Bamir Topi

Bamir Topi: Bamiri eshte fjalepak. Nuk foli shume per 5 vjet si president. Sapo e uli bythen ne ate kolltuk ra ne qetesi flegmatike. Hajdut i qete dhe me prezence, Bamiri e menaxhoi tregun e sistemit te drejtesise si nje burse aksioneresh duke mbajtur nje balance delikate me aksionerin kryesor, Saliun.

Ndenji ashtu 5 vjet rresht, ne maje te pirgut me pleh, sic quhet ndryshe sistemi i drejtesise, pa u shqetesuar aspak nga era e rende.

Politikan qe nuk krijon emocione te forta te cfaredolloj fortesie.

I martuar dhe ish-president.

 

5.

Kreshnik Spahiu
Kreshnik Spahiu me Dylbi

Kreshnik Spahiu &AKQZ: Niku i Aleances Kuq e Zi dikur punonte ne sistemin e drejtesise, ku e filloi karrieren politike duke u ankuar per censusin e rregjistrimit te popullsise mbi baza etnike dhe fetare. Nuk ndaloi asnjehere te nuhaste jashteqitjet e sistemit si kryetar i keshillit te larte te drejtesise dhe te thoshte: “Si eshte e mundur qe te behet pirgu i mutit kaq i larte?” Ndoshta ngaqe Niku ishte thjesht njera nga qershite mbi “torte”. Nje hajdut qe perpiqet te duket si Robinhud ne “luften” e vet-shpallur me sherifin Sali, tani nuk ka asgje ne dore pervec atyre qe thote.

E ca nuk thote! Po fitoi, do ti shpalle lufte Greqise, Serbise, Maqedonise, dhe do i ndryshoje te gjithe emrat ne Shqipetareve me ligj. Meshkujt do te quhen Alban e femrat Shqipe. Mos kini frike se nuk e ka seriozisht.

Sic e shikon ketu lart duke pare detin me dylbi, ky eshte nje politikan qe tenton te krijoje emocione ekstreme me metoda largpamese. I pari politikan shqiptar qe po perpiqet ti beje shqiptaret te ndihen krenare per gjera abstrakte, sic eshte nacionalizmi. Ne kete kohe kur shqiptarit nuk i ka mbetur gje tjeter pervec emrit, ky stil i ri edhe mund te funksionoje. Edhe Saliu e ka nuhatur kete gje dhe po perpiqet tia vjedhe idene.

I urojme suksese ne zgjedhje dhe ne jete. Dhe me nje nuse!

 

6.

Camet
Camet

Camet: Dicka po leviz me camet. Ndoshta jane flegrat e hundes qe perpiqen te kuptojne nga fryn era. Po nuk u aprovua rezoluta e nuk vajten te gjithe tek pronat e tyre ne Greqi, ketu i ke. Si hajdute te medhenj te vegjel por eficiente camet do te jene prape ne qeveri sido qe te votosh ti. Te ndare ne dy fraksione per momentin po te bashkuar me nje deshire me nje qellim.

Te martuar me lekun dhe interesin dhe njeri-tjetrin. Si gjithe te tjeret.

 

 

 

7.

Greket
Greket

Greket: PBDNJ sic quhet ndryshe Omonia, jane si kali i trojes qe do te hane brenda barkut te kalit fitues edhe pas ketyre zgjedhjeve.

Tani ata po e bejne hapur politiken e Greqise ngaqe askush nuk shqetesohet me per interesin kombetar, po vetem per krijimin e koalicionit me te forte e me te madh te hajduteve. Te shohim nga do vene greket kesaj rradhe. Megjithe deklaratat e tyre bombastike qe ua kalojne vetem deklaratat e cameve dhe the Aleances kuq e zi, edhe greket jane hajdute pragmatike qe i gjen ne te gjitha partite e tjera pervec ketyre te dyjave. Edhe keta te ndare ne dysh, ca majtas ca djathtas, se nuk i dihet.

Vetem, Kujdes, mos u jep lek borxh.

 

 

 

8.

Koke Qepa
Koke Qepa

Koke Qepa: Nuk kam vjedhur ndonjehere edhe aq shume por deshiren e kam te forte per gjithmone e me shume. Jam njeri supersticioz dhe kam nje parandjenje qe do dal mire ne keto zgjedhje. Dje pashe ne enderr sikur muti u shtrengua fort dhe po me dhiste mua. Sipas nje interpretuesi endrrash, do te thote qe do te fitoj para. Per para, si gjithe te tjeret.

 

 

9.

Te tjeret
Te tjeret

Te gjithe te tjeret: Jane te shumte ata qe ua degjon emrin vetem kur blihen si kuajt e gares. Shume prej tyre akoma jane anonim, po kur tua degjosh emrin do te jete shume vone per ty e shume shpejt per ata.

Mos harroni qe jetojme ne nje vend ku hajduti eshte hero kombetar dhe heronj te tille lindin perdite.

Share and Enjoy

  • Facebook
  • Twitter
  • Delicious
  • StumbleUpon
  • Add to favorites
  • Email
  • RSS

Comments

comments

Tags:

Lini një Përgjigje

Adresa juaj email nuk do të bëhet publike. Fushat e domosdoshme shënohen *